Gratia vobis et pax a Deo Patre nostro et Domino Iesu Christo.
Dominus vobiscum.
Pax vobis.
Miserere nostri, Domine.
Quia peccavimus tibi.
Ostende nobis, Domine, misericordiam tuam.
Et salutare tuum da nobis.
Qui missus es sanare contritos corde: Kyrie, eleison.
Kyrie, eleison.
Qui peccatores vocare venisti: Christe, eleison. Christe, eleison.
Qui ad dexteram Patris sedes, ad interpellandum pro nobis: Kyrie, eleison.
Antes del Evangelio, el diácono
Iube, domne, benedicere.
Dominus sit in corde tuo et in labiis tuis: ut digne et competenter annunties Evangelium suum: in nomine Patris, et Filii et Spiritus Sancti.
Antes del Evangelio, el propio sacerdote
Munda cor meum ac labia mea, omnipotens Deus, ut sanctum Evangelium tuum digne valeam nuntiare.
El diácono o el sacerdote puede decir
Per evangelica dicta deleantur nostra delicta.
Credo in unum Deum Patrem omnipotentem, Creatorem caeli et terrae, et in Iesum Christum, Filium eius unicum, Dominum nostrum, qui conceptus est de Spiritu Sancto, natus ex Maria Virgine, passus sub Pontio Pilato, crucifixus, mortuus, et sepultus, descendit ad inferos, tertia die resurrexit a mortuis, ascendit ad caelos, sedet ad dexteram Dei Patris omnipotentis, inde venturus est iudicare vivos et mortuos. Credo in Spiritum Sanctum, sanctam Ecclesiam catholicam, sanctorum communionem, remissionem peccatorum, carnis resurrectionem, vitam aeternam. Amen.
Navidad y octava:
Communicantes, et (noctem sacratíssimam) diem sacratíssimum celebrántes, (qua) quo beátae Maríae intemeráta virgínitas huic mundo édidit Salvatórem: sed et memóriam venerántes, in primis eiúsdem gloriósae semper Vírginis Maríae, Genetrícis eiúsdem Dei et Dómini nostri Iesu Christi:
Epifanía:
Communicantes, et diem sacratissimum celebrantes, quo Unigenitus tuus, in tua tecum gloria coaeternus, in veritate carnis nostrae visibiliter corporalis apparuit: sed et memoriam venerantes, in primis gloriosae semper Virginis Mariae, Genetricis eiusdem Dei et Domini nostri Iesu Christi:
Desde la Vigilia Pascual al 2º domingo:
Communicantes, et (noctem sacratissimam) diem sacratissimum celebrantes Resurrectionis Domini nostri Iesu Christi secundum carnem: sed et memoriam venerantes, in primis gloriosae semper Virginis Mariae, Genetricis eiusdem Dei et Domini nostri Iesu Christi:
Ascensión:
Communicantes, et diem sacratissimum celebrantes, quo Dominus noster, unigenitus Filius tuus, unitam sibi fragilitatis nostrae substantiam in gloriae tuae dextera collocavit: sed et memoriam venerantes, in primis gloriosae semper Virginis Mariae, Genetricis eiusdem Dei et Domini nostri Iesu Christi:
Pentecostés:
Communicantes, et diem sacratissimum Pentecostes celebrantes, quo Spiritus Sanctus Apostolis in igneis linguis apparuit: sed et memoriam venerantes, in primis gloriosae semper Virginis Mariae, Genetricis Dei et Domini nostri Iesu Christi:
Desde la Vigilia Pascual al 2º domingo:
Hanc igitur oblationem servitutis nostrae, sed et cunctae familiae tuae, quam tibi offerimus pro his quoque, quos regenerare dignatus es ex aqua et Spiritu Sancto, tribuens eis remissionem omnium peccatorum, quaesumus, Domine, ut placatus accipias: diesque nostros in tua pace disponas, atque ab aeterna damnatione nos eripi et in electorum tuorum iubeas grege numerari. (Per Christum Dominum nostrum. Amen.)
Quotiescúmque manducámus panem hunc et cálicem bíbimus, mortem tuam annuntiámus, Dómine, donec vénias.
O bien:
Salvátor mundi, salva nos, qui per crucem et resurrectiónem tuam liberásti nos.
Memento famuli tui (famulae tuae) N., quem (quam) (hodie) ad te ex hoc mundo vocasti. Concede, ut, qui (quae) complantatus (complantata) fuit similitudini mortis Filii tui, simul fiat et resurrectionis ipsius.
Memento famuli tui (famulae tuae) N., quem (quam) (hodie) ad te ex hoc mundo vocasti. Concede, ut, qui (quae) complantatus (complantata) fuit similitudini mortis Filii tui, simul fiat et resurrectionis ipsius, quando mortuos suscitabit in carne de terra et corpus humilitatis nostrae configurabit corpori claritatis suae. Sed et fratres nostros...
Perceptio Corporis et Sanguinis tui, Domine Iesu Christe, non mihi proveniat in iudicium et condemnationem: sed pro tua pietate prosit mihi ad tutamentum mentis et corporis, et ad medelam percipiendam.
Sit nomen Domini benedictum. Ex hoc nunc et usque in saeculum.
Adiutorium nostrum in nomine Domini. Qui fecit caelum et terram.
Benedicat vos omnipotens Deus, Pater, + et Filius, + et Spiritus + Sanctus. Amen.
Benedictiones Sollemnes
In Adventu
Omnipotens et misericors Deus, cuius Unigeniti adventum et praeteritum creditis, et futurum exspectatis, eiusdem adventus vos illustratione sanctificet et sua benedictione locupletet. Amen
In praesentis vitae stadio reddat vos in fide stabiles, spe gaudentes, et in caritate efficaces. Amen
Ut, qui de adventu Redemptoris nostri secundum carnem devota mente laetamini, in secundo, cum in maiestate sua venerit, praemiis aeternae vitae ditemini. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
In Nativitate Domini
Deus infinitae bonitatis, qui incarnatione Filii sui mundi tenebras effugavit, et eius gloriosa nativitate hanc noctem (diem)sacratissimam irradiavit, effuget a vobis tenebras vitiorum, et irradiet corda vestra luce virtutum. Amen
Quique eius salutiferae nativitatis gaudium magnum pastoribus ab Angelo voluit nuntiari, ipse mentes vestras suo gaudio impleat, et vos Evangelii sui nuntios efficiat. Amen
Et, qui per eius incarnationem terrena caelestibus sociavit, dono vos suae pacis et bonae repleat voluntatis, et vos faciat Ecclesiae consortes esse caelestis. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Initio anni
Deus, fons et origo totius benedictionis, gratiam vobis concedat, benedictionis suae largitatem infundat, atque per totum annum vos salvos et incolumes protegat. Amen
Custodiat fidei vobis integritatem, tribuat spei longanimitatem, perseverantem usque ad finem cum sancta patientia caritatem. Amen
Dies et actus vestros in sua pace disponat, preces hic et ubique exaudiat, et ad vitam aeternam feliciter vos perducat. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
In Epiphania Domini
Deus, qui vos de tenebris vocavit in admirabile lumen suum, suam vobis benedictionem benignus infundat, et corda vestra fide, spe et caritate stabiliat. Amen
Et quia Christum sequimini confidenter, qui hodie mundo apparuit lux relucens in tenebris, faciat et vos lucem esse fratribus vestris. Amen
Quatenus, peregrinatione peracta, perveniatis ad eum, quem magi stella praevia quaesierunt, et gaudio magno, lucem de luce, Christum Dominum invenerunt. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De Passione Domini
Deus, Pater misericordiarum, qui Unigeniti sui passione tribuit vobis caritatis exemplum, praestet ut, per servitium Dei et hominum, percipiatis suae benedictionis ineffabile donum. Amen
Ut ab eo sempiternae vitae munus obtineatis, per cuius temporalem mortem, aeternam vos evadere creditis. Amen
Quatenus, cuius humilitatis sequimini documenta, eius resurrectionis possideatis consortia. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Tempore paschali
Deus, qui per resurrectionem Unigeniti sui dignatus est vobis bonum redemptionis adoptionisque conferre, sua benedictione vos tribuat congaudere. Amen
Et quo redimente percepistis donum perpetuae libertatis, eo largiente hereditatis aeternae consortes effici valeatis. Amen
Et cui resurrexistis in baptismate iam credendo, adiungi mereamini in patria caelesti nunc recte vivendo. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
In Ascensione Domini
Benedicat vos omnipotens Deus, cuius Unigenitus hodierna die caelorum alta penetravit, et vobis, ubi est ipse, ascendendi aditum reseravit. Amen
Concedat ut, sicut Christus post resurrectionem suam visus est discipulis manifestus, ita vobis in iudicium veniens appareat pro aeternitate placatus. Amen
Et qui eum consedere Patri in sua creditis maiestate, ipsum usque in finem saeculi vobiscum permanere secundum eius promissionem laeti valeatis experire. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De Spiritu Sancto
Deus, Pater luminum, qui discipulorum mentes Spiritus Paracliti infusione dignatus est illustrare, sua vos faciat benedictione gaudere, et perpetuo donis eiusdem Spiritus abundare. Amen
Ignis ille, qui super discipulos mirandus apparuit, corda vestra ab omni malo potenter expurget, et sui luminis infusione perlustret. Amen
Quique dignatus est in unius fidei confessione diversitatem adunare linguarum, in eadem fide perseverare vos faciat, et per illam a spe ad speciem pervenire concedat. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum I
Benedicat vobis Dominus, et custodiat vos. Amen
Illuminet faciem suam super vos, et misereatur vestri. Amen
Convertat vultum suum ad vos, et donet vobis suam pacem. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum II
Pax Dei, quae exsuperat omnem sensum, Amen
custodiat corda vestra et intellegentias vestras in scientia et caritate Dei, Amen
et Filii sui, Domini nostri Iesu Christi. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum III
Omnipotens Deus sua vos clementia benedicat, et sensum in vobis sapientiae salutaris infundat. Amen
Fidei documentis vos semper enutriat, et in sanctis operibus, ut perseveretis, efficiat. Amen
Gressus vestros ad se convertat, et viam vobis pacis et caritatis ostendat. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum IV
Deus totius consolationis dies vestros in sua pace disponat, et suae vobis benedictionis dona concedat. Amen
Ab omni semper perturbatione vos liberet, et corda vestra in suo amore confirmet. Amen
Quatenus donis spei, fidei et caritatis divites, et praesentem vitam transigatis in opere efficaces, et possitis ad aeternam pervenire felices. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum V
Omnipotens Deus universa a vobis adversa semper excludat, et suae super vos benedictionis dona propitiatus infundat. Amen
Corda vestra efficiat divinis intenta eloquiis, ut repleri possint gaudiis sempiternis. Amen
Quatenus, quae bona et recta intellegentes, viam mandatorum Dei inveniamini semper currentes, et civium supernorum efficiamini coheredes. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
Per annum VI
Benedicat vos Deus omni benedictione caelesti, sanctosque vos et puros in conspectu suo semper efficiat; Amen
divitias gloriae suae in vos abundanter effundat, Amen
verbis veritatis instruat, Evangelio salutis erudiat, et caritate fraterna semper locupletet. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De beata María Virgine
Deus, qui per beatae Mariae Virginis partum genus humanum sua voluit benignitate redimere, sua vos dignetur benedictione ditare. Amen
Eiusque semper et ubique patrocinia sentiatis, per quam auctorem vitae suscipere meruistis. Amen
Et qui hodierna die devotis mentibus convenistis, spiritalium gaudiorum caelestiumque praemiorum vobiscum munera reportetis. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De sanctis Petro et Paulo
Benedicat vos omnipotens Deus, qui in beati Petri confessione vos saluberrima stabilivit, et per eam in Ecclesiae soliditate fidei fundavit. Amen
Et quos beati Pauli instruxit indefessa praedicatione, suo semper exemplo doceat Christo fratres lucrifacere. Amen
Ut Petrus clave, Paulus verbo, ope intercessionis uterque in illam patriam nos certent inducere, ad quam meruerunt illi, alter cruce, alter gladio, feliciter pervenire. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De Apostolis
Deus, qui vos in apostolicis tribuit consistere fundamentis, benedicere vobis dignetur beatorum Apostolorum N. et N. (beati Apostoli N.) meritis intercedentibus gloriosis. Amen
Et apostolicis praesidiis vos pro cunctis faciat testes veritatis, qui vos eorum munerari documentis voluit et exemplis. Amen
Ut eorum intercessione ad aeternae patriae hereditatem pervenire possitis, per quorum doctrinam fidei firmitatem possidetis. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
De omnibus Sanctis
Deus, gloria et exsultatio Sanctorum, benedicat vos benedictione perpetua, qui vobis tribuit eximiis suffragiis roborari. Amen
Eorum intercessione a praesentibus malis liberati, et exemplis sanctae conversationis instructi, in servitio Dei fratrumque inveniamini semper intenti. Amen
Quatenus cum iis omnibus valeatis illius patriae vos gaudia possidere, in qua filios suos supernis coniungi civibus in pace perpetua sancta laetatur Ecclesia. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
In dedicatione ecclesiae
Deus, Dominus caeli et terrae, qui vos hodie ad huius domus dedicationem adunavit, ipse vos caelesti benedictione faciat abundare. Amen
Concedatque vobis fieri templum suum et habitaculum Spiritus Sancti, qui omnes filios dispersos voluit in Filio suo congregari. Amen
Quatenus feliciter emundati, habitatorem Deum in vobismetipsis possitis habere, et aeternae beatitudinis hereditatem cum omnibus Sanctis possidere. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
In celebrationibus pro defunctis
Benedicat vos Deus totius consolationis, qui hominem ineffabili bonitate creavit, et in resurrectione Unigeniti sui spem credentibus resurgendi concessit. Amen
Nobis, qui vivimus, veniam tribuat pro peccatis, et omnibus defunctis locum concedat lucis et pacis. Amen
Ut omnes cum Christo sine fine feliciter vivamus, quem resurrexisse a mortuis veraciter credimus. Amen
Et benedictio Dei omnipotentis, Patris, et Filii, + et Spiritus Sancti, descendat super vos et maneat semper. Amen
