Sacerdos dicit:
Ad Deum Patrem omnipoténtem, qui vult omnes hómines salvos fíeri et ad agnitiónem veritátis veníre, tota mentis nostrae, fratres caríssimi, dirigátur orátio.
Sacerdos vel lector:
Pro Ecclésia sancta Dei; ut eam Dóminus custodíre et fovére dignétur, Dóminum deprecémur.
Te rogámus, áudi nos.
Pro totíus orbis pópulis; ut inter eos Dóminus concórdiam serváre dignétur, Dóminum deprecémur.
Te rogámus, áudi nos.
Pro ómnibus qui váriis premúntur necessitátibus; ut omnes Dóminus subleváre dignétur, Dóminum deprecémur.
Te rogámus, áudi nos.
Pro Praelatúra Operis Dei et pro nobismetípsis; ut nos omnes Dóminus hóstiam sibi acceptábilem admíttere dignétur, Dóminum deprecémur.
Te rogámus, áudi nos.
Sacerdos orationem dicit:
Deus, refúgium nostrum et virtus, adésto piis Ecclésiae tuae précibus, auctor ipse pietátis, et praesta, ut, quod fidéliter pétimus, efficáciter consequámur. Per Christum Dóminum nostrum.
Amen.
Sacerdos dicit:
Fratres, in hac pública et commúni oratióne quam nunc incípimus, non quisquis pro se, nec tantum pro necessáriis suis, sed omnes pro toto pópulo oremus Christum Dóminum.
Sacerdos vel lector:
Pro cuncto pópulo christiáno, divínae bonitátis abundántiam deprecémur.
Christe, áudi nos
Exáudi, Christe.
Pro rei públicae moderatóribus, Dómini poténtia implorémus.
Christe, áudi nos
Exáudi, Christe.
Pro ómnibus fidélibus Operis Dei, ac pro eius Cooperatóribus, qui huic sacro coetui interésse non pussunt, inspectórem ómnium implorémus.
Christe, áudi nos
Exáudi, Christe.
Pro refrigério fidélium animárum, univérse carnis iúdicem implorémus.
Christe, áudi nos
Exáudi, Christe.
Pro nobis et necessáriis nostris bonitátem Dómini exspectántibus, Christi Dómini misericórdiam implorémus.
Christe, áudi nos
Exáudi, Christe.
Sacerdos orationem dicit:
Précibus nostris, quáesumus, Dómine, aures tuae pietátis accómmoda, et oratiónes súpplicum benígnus exáudi. Per Christum Dóminum nostrum.
Amen.
Sacerdos dicit:
Advéntum Dómini nostri Iesu Christi, fratres caríssimi, votis ómnibus praestolántes, ipsíus misericórdiam impénsius implorémus, ut, sicut ipse ad evangelizándum paupéribus et sanándos contritos corde venit in mundum, ita, nostris quoque tempóribus, cunctis egéntibus velit praebére salútem.
Sacerdos vel lector:
Ut Románum Pontíficem, Antístitem huius dioecésis, Praelátum Operis Dei, universúmque órdinem episcopátus donis répleat spirituálium gratiárum, Dóminum deprecémur.
Kyrie, eléison.
Te rogámus, áudinos.
Ut témpora nostra sint, ipsíus protectióné, tranquílla, Dóminum deprecémur.
Kyrie, eléison.
Te rogámus, áudinos.
Ut morbos áuferat, famem depéllat, omnémque tribulatiónem avértat, Dóminum deprecémur.
Kyrie, eléison.
Te rogámus, áudinos.
Ut nos in suae advéntu vigilántes invéniat, Dóminum deprecémur.
Kyrie, eléison.
Te rogámus, áudinos.
Sacerdos orationem dicit:
Omnípotens sempitérne Deus, qui salvas omnes et néminem vis períre, exáudi preces pópuli tui et praesta, ut et mundi cursus pacífico nobis tuo órdine dirigátur, et Ecclésia tua tranquílla devotióne laetétur. Per Christum Dóminum nostrum
Amen.
Sacerdos dicit:
Hac die (hac nocte, hoc témpore), fratres caríssimi, qua (quo) appáruit benígnitas et humánitas Salvatóris nostri Dei, non in opéribus iustítiae nostrae, sed in eius misericórdia confidéntes, preces Deo nostro súpplices effundámus.
Sacerdos vel lector:
Pro Ecclésia Dei; ut íntegra fide sustíneat et laetánter excípiat quem immaculáta Virgínitas verbo concépit et ineffabíliter generávit, Dóminum deprecémur.
Dómine, miserére.
Te rogámus, áudinos.
Pro univérsi orbis proféctu et tranquillitáte; ut temporále donum in práemium tránseat sempitérnum, Dóminum deprecémur.
Dómine, miserére.
Te rogámus, áudinos.
Pro iis, qui fame, infirmitáte vel solitúdine tribulántur; ut per mystérium Nativitátis (manifestatiónis) Christi tam mente quam córpore sublevéntur, Dóminum deprecémur.
Dómine, miserére.
Te rogámus, áudinos.
Pro ómnibus fidélibus Operis Dei et pro nobismetípsis; ut Christum recipiéntes, illum étiam in paupéribus discant excípere, Dóminum deprecémur.
Dómine, miserére.
Te rogámus, áudinos.
Sacerdos orationem dicit:
Quáesumus, Dómine Deus noster, ut fidélium tuórum supplicatiónes apud te ipsa comméndet, quae Deum et hóminem castis viscéribus méruit baiuláre. Per Christum Dóminum nostrum.
Amen.
Sacerdos dicit:
Omni quidem témpore, fratres caríssimi, preces debémus effúndere; sed in his praecípue diébus Quadragésimae vigilántius cum Christo et instántius ad Deum oratiónes dirígere nos opórtet.
Sacerdos vel lector:
Pro univérso pópulo christiáno, ut ex omni verbo quod procédit de ore Dei in hoc sacro témpore ubérius nutriátur, Dóminum deprecémur.
Te rogámus, áudi nos.
Pro univérso mundo, ut, tranquillitáte et pace serváta, vere fiant dies nostri acceptábile tempus grátiae et salútis, Dóminum deprecémur.
Te rogámus, áudi nos.
Pro peccatóribus et neglegéntibus, ut hoc propitiatiónis témpore revertántur ad ipsum, Dóminum deprecémur.
Te rogámus, áudi nos.
Pro ómnibus fidélibus Operis Dei et pro nobismetípsis, ut in praecórdiis nostris tandem detestatiónem nostrórum súscitet peccatórum, Dóminum deprecémur.
Te rogámus, áudinos.
Sacerdos orationem dicit:
Da, quáesumus, Dómine, pópulum tuum ad te toto corde convérti, ut, quod audet cóngruis oratiónibus postuláre, tua miseratióne percípiat. Per Christum Dóminum nostrum.
Amen.
Sacerdos dicit:
Appropinquánte, dilectíssimi, sollemnitáte pascháli, Dóminum impénsius implorémus, ut et nos omnes, et baptizatórum multitúdo, et mundus univérsus, abundántius huius sacri mystérii partícipes evadámus.
Sacerdos vel lector:
Ut catechúmenis próxima sollemnitáte pascháli sacro baptísmo initiándis, fidem et intelléctum augére dignétur, Dóminum exorémus.
Te rogámus, áudi nos.
Ut apostolátus «ad fidem» Praelatúrae Operis Dei cunctis orbis regiónibus ánimas ad Christi lucem allícere pergat, Dóminum exorémus.
Te rogámus, áudi nos.
Ut, adiútis pópulis qui subsídio égeant aliéno, pax et secúritas ubíque stabilitáte firméntur, Dóminum exorémus.
Te rogámus, áudi nos.
Ut omnes afflícti et tentáti ipsius grátia roboréntur, Dóminum exorémus.
Te rogámus, áudi nos.
Ut nos omnes discámus fructum abstinéntiae in bonum indigéntium erogáre, Dóminum exorémus.
Te rogámus, áudi nos.
Sacerdos orationem dicit:
Miserére, Dómine, deprecántis Ecclésiae, et quae inclinántur tibi corda propitiátus inténde, ut, quos divíni mystérii tríbuis esse partícipes, numquam tuis destituántur auxíliis. Per Christum Dóminum nostrum.
Amen.
Sacerdos dicit:
Hoc Passiónis témpore, qua Christus Patri suo preces supplicationésque cum clamóre válido et lácrimis óbtulit, Deum húmiles exorémus, ut, pro reveréntia Fílii sui, preces quoque nostras cleménter exáudiat.
Sacerdos vel lector:
Ut Sponsa Christi Ecclésia, hoc Passiónis témpore, ipsíus sánguine plénius emundétur, Dóminum deprecémur.
Te rogámus, áudi nos.
Ut cuncti fidéles Operis Dei, in labóre seípsos próbiter abnegántes, Christi Crucem super pinnáculum actuositátum ómnium extóllere pérgant, Dóminum deprecémur.
Te rogámus, áudi nos.
Ut per sánguinem Crucis Christi omnia in mundo pacificári váleant in salútem, Dóminum deprecémur.
Te rogámus, áudi nos.
Ut ómnibus qui infirmitáte et labóribus sunt Passiónis Christi partícipes, fortitúdinem et patiéntiam largiátur, Dóminum deprecémur.
Te rogámus, áudi nos.
Ut omnes per domínicam Passiónem et Crucem ad Resurrectiónis glóriam perducámur, Dóminum deprecémur.
Te rogámus, áudi nos.
Sacerdos orationem dicit:
Adésto, Dómine, tuo pópulo supplicánti, ut, quod própria fidúcia non praesúmit, Passiónis Fílii tui méritis consequátur. Qui vivit et régnat in sáecula saeculórum.
Amen.
Sacerdos dicit:
In hoc pascháli gáudio, fratres caríssimi, Deum instántius exorémus, ut, qui preces supplicationésque dilécti Fílii sui propítius exaudívit, humilitátem quoque nostram dignétur aspícere.
Sacerdos vel lector:
Pro pastóribus animárum nostrárum, ut gregem ipsis a Pastore bono commísum régere váleant providénter, Dóminum deprecémur.
Te rogámus, áudi nos.
Pro univérso mundo, ut pace a Christo donáta veráciter perfruátur, Dóminum deprecémur.
Te rogámus, áudi nos.
Pro frátribus nostris afflíctis, ut eórum tristítia vertátur in gáudium, quod nemo ab eis tóllere possit, Dóminum deprecémur.
Te rogámus, áudi nos.
Pro nobismetípsis, ut testimónium Resurrectiónis Christi cum fidúcia magna perhíbeamus, Dóminum deprecémur.
Te rogámus, áudi nos.
Sacerdos orationem dicit:
Deus, qui praeséntium hóminum vitam agnóscis diversárum necessitátum passiónibus subiacére, exáudi desidéria supplicántium, súscipe vota credéntium. Per Christum Dóminum nostrum.
Amen.
Sacerdos dicit:
In unum congregáti, fratres caríssimi, ad Dei nostri beneficia recolénda, rogémus eum, ut ipse nobis vota subíciat, quae digne possit audíre.
Sacerdos vel lector:
Pro Pontífice nostro N., pro Antístite huius dioecésis N., pro Praeláto Operis Dei N., et omni clero cum pópulo ipsórum gubernáculis commendáto, Dóminum deprecémur.
Te rogámus, áudi nos.
Pro moderatóribus rerum publicárum eorúmque minístris bonum commúne curántibus, Dóminum deprecémur.
Te rogámus, áudi nos.
Pro navigántibus, iter agéntibus, et captívis vel in carcéribus deténtis, Dóminum deprecémur.
Te rogámus, áudi nos.
Pro nobis ómnibus fide, devotióne et Dei dilectióne ac timóre in hac aula sacratíssima congregátis, Dóminum deprecémur.
Te rogámus, áudi nos.
Sacerdos orationem dicit:
Fiant, Dómine, tuo grata conspéctui vota supplicántis Ecclésiae, ut tua nobis misericórdia conferátur quod nostrórum non habet fidúcia meritórum. Per Christum Dóminum nostrum.
Amen.
Sacerdos dicit:
Omnes huc convénimus, fratres caríssimi, ad Redemptiónis nostrae recolénda mystéria; rogémus ergo Deum omnipoténtem, ut mundus univérsus his totíus benedictiónis et vitae fóntibus irrigétur.
Sacerdos vel lector:
Pro ómnibus qui seípsos Deo vovérunt, ut, illo adiuvánte, propósitum suum in fidelitáte custódiant, Dóminum exorémus.
Te rogámus, áudi nos.
Pro pace géntium, ut, omni perturbatióne remóta, líberis ipsi méntibus pópuli servíre mereántur, Dóminum exorémus.
Te rogámus, áudi nos.
Pro sénibus, qui solitúdine vel infirmitáte labórant, ut fratérna nostra caritáte firméntur, Dóminum exorémus.
Te rogámus, áudi nos.
Pro nobis hic congregátis, ut sic sciámus bonis uti praeséntibus, quibus nos Deus fovére non désinit, ut iam possímus inhaerére perpétuis, Dóminum exorémus.
Te rogámus, áudi nos.
Sacerdos orationem dicit:
Adsit, Dómine, quáesumus, propitiátio tua pópulo supplicánti, ut, quod te inspiránte fidéliter éxpetit, tua céleri largitáte percípiat. Per Christum Dóminum nostrum.
Amen.
Sacerdos dicit:
Deum Patrem omnipoténtem, qui Christum Fílium suum suscitávit a mórtuis, pro salúte vivórum atque mortuórum fidéliter invocémus.
Sacerdos vel lector:
Ut pópulum christiánum in fide et unitáte stabíliat, Dóminum deprecémur.
Te rogámus, áudi nos.
Ut ab omni bellórum nequítia orbem éruat univérsum, Dóminum deprecémur.
Te rogámus, áudi nos.
Ut frátribus qui carent ópere, victu vel tecto, se patrem dignétur osténdere, Dóminum deprecémur.
Te rogámus, áudi nos.
Ut huic defúncto N., qui olim per Baptísmum aeternae vitae semen accépit, perpétuam velit societátem donáre Sanctórum, Dóminum deprecémur.
Te rogámus, áudi nos.
Pro presbytero: Ut eum, qui in Ecclésia sacerdótii munus exércuit, fáciat caeléstis partícipem liturgíae, Dóminum deprecémur.
Te rogámus, áudi nos.
Ut animábus ómnium fidélium Operis Dei defunctórum, necnon Cooperatórum et benefactórum, mercédem labóris attríbuat, Dóminum deprecémur.
Te rogámus, áudi nos.
Sacerdos orationem dicit:
Animábus, quáesumus, Dómine, famulórum famularúmque tuárum orátio profíciat supplicántium, ut eas et a peccátis ómnibus éxuas, et tuae redemptiónis fácias esse partícipes. Per Christum Dóminum nostrum.
Amen.
Sacerdos dicit:
Fratres, in hac commúni oratióne omnes pro univérsa Sancta Ecclésia orémus Dóminum Deum nostrum.
Sacerdos vel lector:
Orémus pro Beatíssimo Papa nostro N.
Dóminus consérvet eum, et vivíficet eum, et beátum fáciat eum in terra, et non tradat eum in ánimam inimicórum eius.
Orémus et pro Antístite huius dioecésis.
Stet et pascat in fortitúdine tua, Dómine, in sublimitáte nóminis tui.
Orémus pro Patre.
Misericórdia Dómini ab aetérno, et usque in aetérnum super eum: custódit enim Dóminus omnes diligéntes se.
Orémus pro unitáte apostolátus.
Ut omnes unum sint, sicut tu Pater in me et ego in te: ut sint unum, sicut et nos unum sumus.
Orémus pro benefactóribus nostris.
Retribúere dignáre, Dómine, ómnibus nobis bona faciéntibus propter nomen tuum, vitam aetérnam. Amen.
Orémus et pro frátribus nostris Operis Dei, vivis atque defúnctis.
Salvos fac servos tuos, Deus meus, sperántes in te.
Sacerdos orationem dicit:
Actiónes nostras, quáesumus, Dómine, aspirándo práeveni et adiuvándo proséquere: ut cuncta nostra orátio et operátio a te semper incípiat, et per te coepta finiátur. Per Christum Dóminum nostrum.
Amen.