« Piae exercitationes cotidianae »

Súscipe, Dómine, univérsam meam libertátem. Áccipe memóriam, intelléctum atque voluntátem omnem. Quidquid hábeo vel possídeo, mihi largítus es: id tibi totum restítuo, ac tuae prorsus voluntáti trado gubernándum. Amórem tui solum cum grátia tua mihi dones, et dives sum satis, nec áliud quidquam ultra posco.

Angele Dei

Ángele Dei, qui custos es mei, me tibi commíssum pietáte supérna illúmina, custódi, rege et gubérna. Amen.

Per diem persolvendae

Preces

Sérviam!

V/. Ad Trinitatem Beatíssimam.
R/. Grátias tibi, Deus, grátias tibi: vera et una Trínitas, una et summa Déitas, sancta et una Unitas.

V/. Ad Iesum Christum Regem.
R/. Dóminus Iudex noster; Dóminus Légifer noster; Dóminus Rex noster. Ipse salvabit nos.

V/. Christe, Fili Dei vivi, miserere nobis.
R/. Christe, Fili Dei vivi, miserere nobis.

V/. Exsurge, Christe, ádiuva nos.
R/. Et líbera nos propter nomen tuum.

V/. Dóminus illuminátio mea et salus mea: quem timebo?
R/. Si consistant adversum me castra, non timebit cor meum; si exsurgat adversum me proélium, in hoc ego sperabo.

V/. Ad Beatam Vírginem Mariam Mediatricem.
R/. Recordare, Virgo Mater Dei, dum stéteris in conspectu Dómini, ut loquaris pro nobis bona.

V/. Ad Sanctum Ioseph Sponsum Beatae Mariae Vírginis.
R/. Fecit te Deus quasi Patrem Regis, et dóminum universae domus eius: ora pro nobis.

V/. Ad Angelos Custodes.
R/. Sancti Angeli Custodes nostri, deféndite nos in proélio ut non pereamus in tremendo iudício.

V/. Ad Sanctum Iosephmariam Conditorem nostrum.
R/. Intercede pro fíliis tuis ut, fideles spirítui Operis Dei, laborem sanctificemus et ánimas Christo lucrifácere quaeramus.

V/. Oremus pro Beatíssimo Papa nostro N.
R/. Dóminus conservet eum, et vivíficet eum, et beatum fáciat eum in terra, et non tradat eum in ánimam inimicorum eius.

V/. Oremus et pro Antístite huius dioecesis.
R/. Stet et pascat in fortitúdine tua, Dómine, in sublimitate nóminis tui.

V/. Oremus pro unitate apostolatus.
R/. Ut omnes unum sint, sicut tu Pater in me et ego in te: ut sint unum, sicut et nos unum sumus.

V/. Omne regnum divisum contra se, desolábitur.
R/. Et omnis cívitas vel domus divisa contra se non stabit.

V/. Oremus pro benefactóribus nostris.
R/. Retribúere dignare, Dómine, ómnibus nobis bona faciéntibus propter nomen tuum, vitam aeternam. Amen.

V/. Oremus pro Patre.
R/. Misericórdia Dómini ab aeterno et usque in aeternum super eum: custodit enim Dóminus omnes diligentes se.

V/. Oremus et pro frátribus nostris Operis Dei, vivis atque defunctis.
R/. Salvos fac servos tuos, Deus meus, sperantes in te.

V/. Mitte eis, Dómine, auxílium de sancto.
R/. Et de Sion tuere eos.

V/. Réquiem aeternam dona eis, Dómine.
R/. Et lux perpétua lúceat eis.

V/. Requiescant in pace.
R/. Amen.

V/. Dómine, exaudi orationem meam.
R/. Et clamor meus ad te véniat.

Sacerdos, si Preces moderatur, exsurgit et addit Dóminus vobiscum, stans etiam dum recitat orationem.
V/. Dóminus vobiscum.
R/. Et cum spíritu tuo.

Oremus. Deus, cui próprium est misereri semper et párcere: súscipe deprecationem nostram. Ure igne Sancti Spíritus renes nostros et cor nostrum, Dómine: ut tibi casto córpore serviamus, et mundo corde placeamus.
Actiones nostras, quaésumus Dómine, aspirando praéveni et adiuvando proséquere: ut cuncta nostra orátio et operátio a te semper incípiat, et per te coepta finiatur. Per Christum Dóminum nostrum.
R/. Amen.

Omnes dicunt:
Gáudium cum pace, emendationem vitae, spátium verae poeniténtiae, grátiam et consolationem Sancti Spíritus atque in Opere Dei perseverántiam, tríbuat nobis Omnípotens et Miséricors Dóminus.

V/. Sancte Míchaël.
R/. Ora pro nobis.

V/. Sancte Gábriel.
R/. Ora pro nobis.

V/. Sancte Ráphaël.
R/. Ora pro nobis.

V/. Sancte Petre.
R/. Ora pro nobis.

V/. Sancte Paule.
R/. Ora pro nobis.

V/. Sancte Ioannes.
R/. Ora pro nobis.

Cum adsit aliquis Sacerdos, dignior ait:
Iube, Domne, benedícere.

Sacerdos benedicit:
Dóminus sit in córdibus vestris, et in lábiis vestris, in nómine Patris † et Fílii et Spíritus Sancti.
R/. Amen.

V/. Pax.
R/. In aeternum.

Benedictio mensae

Ante mensam

V/. Bénedic, Dómine, nos, et haec tua dona, quae de tua largitáte sumus sumptúri. Per Christum Dóminum nostrum.
R/. Amen.

Ante prandium: Mensae caeléstis partícipes fáciat nos Rex aetérnae glóriae.
Ante cenam: Ad cœnam vitae aetérnae perdúcat nos Rex aetérnae glóriae.
R/. Amen.

Post mensam

V/. Ágimus tibi grátias, omnípotens Deus, pro univérsis benefíciis tuis: Qui vivis et regnas in saecula saeculórum.
R/. Amen.

V/. Deus det nobis suam pacem.
R/. Et vitam aetérnam.

V/. Amen.

Visitatio Sanctissimi Sacramenti

V/. Adorémus in aetérnum Sanctíssimum Sacramentum.
R/. Adorémus in aetérnum Sanctíssimum Sacramentum.

Pater noster, Ave Maria, Gloria.

Communio spiritual

Yo quisiera, Señor, recibiros con aquella pureza, humildad y devoción con que os recibió vuestra santísima Madre; con el espíritu y fervor de los santos.

Ante laborem

Actiónes nostras, quaesumus, Dómine, aspirándo praeveni et adiuvándo proséquere: ut cuncta nostra orátio et operátio a te semper incípiat, et per te cœpta finiátur. Per Christum Dóminum nostrum. Amen.

Oratio S. Thomae Aquinatis ante studium

Creátor ineffábilis, qui de thesáuris sapiéntiae tuae tres Angelórum hierarchías designásti et eas super caelum empýreum miro órdine collocásti atque univérsi partes elegantíssime distribuísti: tu, inquam, qui verus fons lúminis et sapiéntiae díceris ac superéminens princípium, infúndere dignéris super intelléctus mei ténebras tuae rádium claritátis, dúplices, in quibus natus sum, a me rémovens ténebras, peccátum scílicet et ignorántiam. Tu, qui linguas infántium facis disértas, linguam meam erúdias atque in lábiis meis grátiam tuae benedictiónis infúndas. Da mihi intellegéndi acúmen, retinéndi capacitátem, addiscéndi modum et facilitátem, interpretándi subtilitátem, loquéndi grátiam copiósam. Ingréssum ínstruas, progréssum dírigas, egréssum cómpleas. Tu, qui es verus Deus et homo: Qui vivis et regnas in saecula saeculórum. Amen.

Oratio ante colligationem

Omnípotens aetérne Deus, qui nos secúndum imáginem Tuam plasmásti, et ómnia bona, vera, pulchra, praesértim in divína persóna Unigéniti Fílii Tui Dómini nostri Iesu Christi, quaerere iussísti, praesta quaesumus ut, per intercessiónem Sancti Isidóri, Epíscopi et Doctóris, in peregrinatiónibus per interréte factis et manus oculósque ad quae Tibi sunt plácita intendámus et omnes quos convénimus cum caritáte ac patiéntia accipiámus. Per Christum Dóminum nostrum.

Exaudi nos

Exáudi nos, Dómine sancte, Pater omnípotens, aetérne Deus: et míttere dignéris sanctum Ángelum tuum de caelis, qui custódiat, fóveat, prótegat, vísitet atque deféndat omnes habitántes in hoc habitáculo. Per Christum Dóminum nostrum. Amen.

Benedictio viatorum

Beáta María intercedénte bene ambulémus (ambulétis, ámbulem), Dóminus sit in itínere nostro (vestro, meo) et Ángeli eius comiténtur nobíscum (vobiscum, mecum). In nómine Patris et Fílii et † Spíritus Sancti. Amen.

Cartela Lectionis Spiritualis

Veni, Sancte Spíritus, reple tuórum corda fidélium: et tui amóris in eis ignem accénde.

V/. Emítte Spíritum tuum, et creabúntur.
R/. Et renovábis fáciem terrae.

Oremus: Deus, qui corda fidélium Sancti Spíritus illustratióne docuísti; da nobis in eódem Spíritu recta sápere; et de eius semper consolatióne gaudére. Per Christum Dóminum nostrum.
V/. Amen.

V/. Ágimus tibi grátias, omnípotens Deus, pro univérsis benefíciis tuis: Qui vivis et regnas en saecula saeculórum.
R/. Amen.

V/. Deus det nobis suam pacem.
R/. Et vitam aetérnam.

V/. Amen.

Vespertinae

Actus contritiónis

Deus meus, ex toto corde paenitet me ómnium meórum peccatórum, éaque detéstor, quia peccándo, non solum pœnas a te iuste statútas proméritus sum, sed praesértim quia offéndi te, summum bonum, ac dignum qui super ómnia diligáris. Ídeo fírmiter propóno, adiuvánte grátia tua, de cétero me non peccatúrum peccandíque occasiónes próximas fugitúrum. Amen.