Ad Introitum

  Introito ad altare Dei (sacerdotis)

In nómine Patris, et Fílii, et Spíritus Sancti. Amen.

Introíbo ad altáre Dei. Ad Deum qui laetíficat iuventútem meam.

Iúdica me, Deus, et discérne causam meam de gente non sancta: ab hómine iníquo, et dolóso érue me.

Quia tu es, Deus, fortitúdo mea; quare me repulísti, et quare tristis incédo, dum afflígit me inimicus?

Emítte lucem tuam, et veritátem tuam: ipsa me deduxérunt, et adduxérunt in montem sanctum tuum, et in tabernácula tua.

Et introíbo ad altáre Dei: ad Deum qui laetíficat iuventútem meam.

Confitébor tibi in cíthara, Deus, Deus meus; quare tristis es, ánima mea, et quare contúrbas me?

Spera in Deo, quóniam adhuc confitébor illi: salutáre vultus mei, et Deus meus.

Glória Patri, et Filio, et Spirítui Sancto. Sicut erat in princípio, et nunc, et semper: et in saecula saeculórum. Amen.

Introíbo ad altáre Dei. Ad Deum qui laetíficat iuventútem meam.

Adiutórium nostrum in nómine Dómini. Qui fecit caelum et terram.

  In incensatione altare ad introitum (sacerdotis)

En la imposición del incienso:

Ab illo † benedicáris, in cuius honóre cremáberis. Amen.

  Aufer a nobis

Aufer a nobis, quaesumus, Dómine, iniquitátes nostras: ut ad Sancta sanctórum puris mereámur méntibus introíre. Per Christum Dóminum nostrum.

Orámus te, Dómine, per mérita Sanctórum tuórum, quorum relíquiae hic sunt, et ómnium Sanctórum: ut indulgére dignéris ómnia peccáta mea. Amen.

Ad Offertorium

  Orationes sacerdotum ad Offertorium

Ofrenda del pan:

Súscipe, sancte Pater, omnípotens aetérne Deus, hanc immaculátam hóstiam, quam ego indígnus fámulus tuus óffero tibi Deo meo vivo, et vero, pro innumerabílibus peccátis, et offensiónibus, et negligéntiis meis, et pro ómnibus circumstántibus, sed et pro ómnibus fidélibus christiánis vivis atque defúnctis: ut mihi, et illis profíciat ad salútem in vitam aetérnam. Amen.

Al verter vino y agua en el Cáliz:

Deus qui humánae substantiae dignitátem mirabíliter condidísti, et mirabílius reformásti: da nobis per huius aquae et vini mystérium, eius divinitátis esse consórtes, qui humanitátis nostrae fíeri dignátus est párticeps, Iesus Christus Fílius tuus Dóminus noster: Qui tecum vivit et regnat in unitáte Spíritus Sancti Deus: per ómnia saecula saeculorum. Amen.

Ofrenda del Cáliz:

Offérimus tibi, Dómine, cálicem salutáris, tuam deprecántes cleméntiam: ut in conspéctu divínae maiestátis tuae, pro nostra, et totíus mundi salúte cum odóre suavitátis ascéndat. Amen.

Después del "In spiritu humilitatis":

Veni, sanctificátor omnípotens, aetérne Deus: et bénedic hoc sacrifícium tuo sancto nómini praeparátum.

  In incensatione altare ad Offertorium

En la imposición del incienso:

Per intercessiónem beáti Michaélis Archángeli, stantis a dextris altáris incénsi, et ómnium electórum suórum, incénsum istud dignétur Dóminus benedícere, et in odórem suavitátis accípere. Per Christum Dóminum nostrum. Amen.

En la incensación de las ofrendas:

Incénsum istud a te benedíctum, ascéndat ad te, Dómine: et descéndat super nos misericórdia tua.

En la incensación del altar:

Dirigátur, Dómine, orátio mea, sicut incénsum, in conspéctu tuo: elevátio mánuum meárum sacrifícium vespertínum. Pone, Dómine, custódiam ori meo, et óstium circurstántiae lábiis meis: ut non declínet cor meum in verba malítiae, ad excusándas excusatiónes in peccátis.

Al entregar el incensario al diácono o al ayudante:

Accéndat in nobis Dóminus ignem sui amóris, et flammam aetérnae caritátis. Amen.

  Ad lavabum (Sal 25, 6-12)

Lavábo inter innocéntes manus meas: et circúmdabo altáre tuum, Dómine:

Ut áudiam vocem laudis, et enárrem univérsa mirabília tua.

Dómine, diléxi decórem domus tuae, et locum habitatiónis glóriae tuae.

Ne perdas cum ímpiis, Deus, ánimam meam, et cum viris sánguinum vitam meam:

In quorum mánibus iniquitátes sunt: déxtera eórum repléta est munéribus.

Ego autem in innocéntia mea ingréssus sum: rédime me, et miserére mei.

Pes meus, stetit in dirécto: in ecclésiis benedícam te, Dómine.

Glória Patri, et Filio, et Spirítui Sancto. Sicut erat in princípio, et nunc, et semper: et in saecula saeculórum. Amen.

  Post lavabum

Súscipe, sancta Trínitas, hanc oblatiónem, quam tibi offérimus ob memóriam passiónis, resurrectiónis, et ascensiónis Iesu Christi, Dómini nostri: et in honórem beátae Maríae semper Vírginis, et beáti Ioánnis Baptístae, et sanctórum Apostolórum Petri et Pauli, et istórum et ómnium Sanctórum: ut illis profíciat ad honórem, nobis autem ad salútem: et illi pro nobis intercédere dignéntur in caelis, quorum memóriam ágimus in terris. Per eúmdem Christum Dóminum nostrum. Amen.

Ad Communionem

  Ad Ecce Agnus Dei (sacerdotis)

En la genuflexión anterior al "Ecce Agnus Dei":

Panem caeléstem accípiam, et nomen Dómini invocábo.

Post Communionem

  Quid retribuam Domino

Quid retríbuam Dómino pro ómnibus quae retríbuit mihi? Cálicem salutáris accípiam, et nomen Dómini invocábo. Laudans invocábo Dóminum, et ab inimícis meis salvus ero.

  Corpus tuum, Domine

Corpus tuum, Dómine, quod sumpsi, et Sanguis, quem potávi, adhaereat viscéribus meis: et praesta; ut in me non remáneat scélerum mácula, quem pura et sancta refecérunt sacraménta: Qui vivis et regnas in saecula saeculórum. Amen.